Kumpulan Cerita Humor Bahasa Jawa

Kumpulan Cerita Humor Jawa Ngapak

Hai Sobat Netter.. Semoga hari-hari mu selalu Indah dengan dihiasi Tawa dan Canda

Kali ini cerita saya kumpulkan dari berbagai Cerita Bahasa Jawa NGAPAK..

Yuk.. Diawali dengan Cerita  :

Tukang Daging Ora Nduwe Utek

Esuk-ésuk tukang daging ngorong-ngorong segelemé dhéwék liwat ning ngarep umah .

Tukang Daging : “Dagiiiiiing Murahhhh! Dagiiiing Murahhhhh!”

Suarané mbengok, kasar lan lara dirungokena nang kuping.

Yu Dartun tanggané inyong sing lagi lara untu wis rong dina ra mari-mari krungu bengoké tukang daging sing dibolan-baléni nang ngarep umahé dadi kesuh.

Yu Dartun : “Hei tukang daging! Rika ora duwé utek ya….!!!???

Tukang Daging : “Wah seniki keleresan mboten bekta Bu, dospundi menawi ngenjang kula bektakaken? Seniki keleresan kula namung mbekta daging kalih thethelan thok…..”

Yu Dartun: Dengkulmu ambuh…………@!###$$?!!!!!!!???????`

 

Hehehhee..  Kepriben kanca kanca Netter… Lanjut maning Nang cerita Ngapak  kaping pindo yuk… 

Judule :  Rambut Inyong Akeh Ubane

Kang Panjul lagi seneng atiné. Kayongé bisnisé lagi lancar. Terus ngajak anaké sing cilik dhéwék (Bawor) mangan bakso ning Pasar Pon Purwokerto. Lagi énak2 nyruput duduh bakso……Anaké takon:
Bawor :  Ma, …Rama, ……… kenangapa sih rambuté ramané ana uwané?
Panjul : Ya kiyé saben kowé nakal………. terus thukul uwané.
Anak : Ooooh ….kaya kuwé ya Rama……….. Berarti Ramané lewih nakal tinimbang Bawor ya Rama..?
Panjul : Lha….buktiné apa koq rama lewih nakal tinimbang ko, Wor?
Bawor : buktiné….anu Rama…nyuwun sewu…rambuté Mbah Kakung wis dadi uwan kabéh! Lewih akéh tinimbang Rama!
Panjul : #$%@:)! Lha…lha…kuwé., gleeegg..gleeg..gleeg..(ora krasa bakso telu keleg kabéh)

Pesan Mbah Kakung :
“Ati-ati ngajari bocah cilik, bisa-bisa kena awaké dhéwék…ya mbok..!”

 

Cerita Kaping 3 (telu)   :  Penangkal PETE kuwi ya JENGKOL

Kang Péyang jan ora lumrah. Sing arané hobi mangan peté kuwé ora ana polé. Nék bojoné masak apa baén njaluké karo peté. Njangan oséng-oséng kangkung, njaluké dicampur karo peté. Njangan kethéwél ya karepé dicemplungi peté bén rasané kaya ana daging2é sepetit jéré. Apa maning nék bar mancing maring kali mburi omah olih iwak mélem atawa lunjar, wis kudu lalapané nganggo peté. Semboyané dhéwéké jéré kaya iklan minuman terkenal….apapun makanannya….pokoké ana peté.

Sakjané masak peté iku ora sepira keselé,  jéré bojoné. Tapi ya kuwé….pasca operasi peté …sakwisé madhang kuwé sing perlu diwaspadai.

Lha pimén…kamar mandi sing mauné mambu wangi…dadi mambu deodoran rasa pete. Nék kandaan karo kang Péyang kudu nutup irung terus merga ora tahan semerbak wewangian khas peté.

Tapi Kang Peyang tetep nekat karo hobine sanajan akeh dampak global akibaté.

Saking sengite dioméhi baén karo bojoné akoné ngilari peté, Kang Péyang kepeksa golet cara pimen ben tetep bisa nyalurna hobi berate mangan pete anangin bisa meminimalisir dampak ekologi sing ditimbulkan (weleh.. kaya bahasane pejabat lingkungan hidup ya). Jane Peyang wis takon neng ngendi2 karo sapa2 tapi ora ana jawaban sing pas karo atine. Akhire neng ngendi maning nek ora takon maring bathir soulmate yaiku Panjul.

Peyang : “Njul, ngénéh sedéla lah, Inyong arep kandaan serius kiyé”.

Panjul   : “Ana apa sih Kang koq sajak wigati banget…?”

Peyang : “Kiyé ana salah sijining hobi inyong tapi jéré merusak lingkungan global..”

Panjul : “Bahasamu kue lho …Kaya pejabat baé…kayongé abot temen masalahé, lha pimén..?”

Peyang : “Rika khan ngerti hobiné inyong mangan peté.”

Panjul   : “Wakakaka…..Lha ya ora ngerti maning….lha ganu khan sering karo inyong maring keboné mbah Kirtun mét peté bareng2 nganti mabok mergané kuaregen peté…!Durung mareni apa hobiné rika sing awit cilik kuwé?”

Peyang : “Pimen maning, wis kadung tresno, angel golé maréni, paribasané peté is the best Njul. Justru inyong arep takon karo ko pimén carané bén inyong tetep bisa mangan peté tapi ambuné sakwisé mangan kuwe bisa ilang….”

Panjul : “Oalah Kang….Kang…gitu aza koq repotzz …Kaya kuwé bé puyeng2…Nék gur kaya kuwé sih inyong bisa njawab. Dijamin jawabané memuaskan!”

Peyang : “Iya tapi gagéyan jawabané apa….inyong temenan pingin ngerti bén ora dipaido terus karo bojoné inyong….! “

Panjul: “Nék Kang Panjul péngin mangan peté tapi ambuné peté bén bisa ilang….gampang banget…..njajal baen resepe inyong..….bar mangan peté terus mangan jéngkol!!!!!.”

Peyang : *!?#!?X???…Penjorangan ko ya Njul….. serius temenan kiyé…”

Panjul: “Iya..inyong juga serius…..Jajal baén nék ora percaya…..bar mangan peté langsung mangan jéngkol, mesti ambuné peté ilang…….”

Peyang : “Lha seterusé, urusané mambu jengkol pimén…tanggung jawabmu ya……ngénéh tek bithi sisan ko..!!!”

(Panjul mlayu kapicirit ngumpet maring omahe juragan jéngkol….)

Jan-jané peté kuwé ana khasiat/manfaaté apa ora sih? Lha kuwé, maca baén tulisan kiyé.

——————————————————————————
Tips sehat:
Biasane nek pada keracunan jengkol kuwe ngrasakna gejala-gejala kaya kiyé:

Krasa nyeri wetengé
Mual-muntah
Kangélan/susah gole pipis utawa bahasa inyongé arané  ‘anyang-anyangen’.
Nek tingkatané lewih parah, volume banyu uyuhé (air kencing) kurang banget ora kaya biasané lan cokan/kadang-kadang dibarengi kambi bercak getih.

Nék panjenengan ngrasakna wetengé nyeri, muntah lan angél golé pipis, obate biasané cukup nginum banyu putih seakéh-akéhé. Nék ajeg baén lan tambah parah, langsung baén maring dokteran utawa puskesmas bén dirawat lewih intensip. (sumber: detik health)

 

Hehehe.. udah dulu ya sobat..  ya gak ngerti Bahasa Jawa Ngapak.. “Mohon Maaf” Jangan di baca.

 

Cheers

Titik Iswati

One Response to Kumpulan Cerita Humor Bahasa Jawa

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Translate

  • Advertisement
  • Advertisement
Advertisement

Masukan Email Anda Untuk Berlangganan:

Kirim ViaFeedBurner

Jasa Bisnis Online

Flag Counter